﴿ الغريب ﴾
بسم الله الرحمن
الرحيم
والصلاة على محمد سيد الاولين والآخرين وأهل بيته الطيبين
الطاهرين .
فهذه نبذة من شعر (البوذية) نظمتها في شتاء سنة (2010م)
وأسميتها ( الغريب) وبما اني لا امتلك المال لطبعها كما هي الحال في العديد
من كتبي الدينية وغيرها ارتأيت أن أنقلها في كتاب ألكتروني،ولا أريد أن أمدح أو أذم
ما كتبته من شعر ،فالقارئ هو من يقيم ما كتبته إنْ كان جيداً أو رديئاً ،كما أني
لا أدعي ،أني شاعر ،بل أعترف أنني بعيد عن الشعر وأوزانه وتفاعيله ،وانما خطر
ببالي الشعر فكتبت ما جرى على لساني كنوع من أنواع الذكرى وتدوين للتاريخ الماضي
المرير .
شمخي جابر فاضل 31/1/2016
م
۞ ۞ ۞
ابتــوت
الكــلب كطعـــها وشدها
اريد اوصل من وكت عنده واشدهه
غرير الولف
بالفطرة وأيش ادهاه
مبحر باللبن صاير عليه
تطشر شعر راسه ولمه
وبحبي ما درى خاله ولا
امه
صرت ما افكر بأكله ولا
بماه
افكر بيه كل صبح ومسية
الواشي هل قفل
بيته وبابه
وعيبه للخلك بيّن وبابه
ردي النفس ما عنده لا
ماما وبابه
يريد ايصير سبه بلا سجية
حبك سبب لروحي وجلها
واهابن انا ذاتك
واجلها
يريت ايصير اجلي واجلها
بساعة ولا تبجي
عليه
شخصك من تشوفه العين
مرهم
اذا لاجلك مروا الطيبي
مرهم
حتى ايصير نهواهم وامرهم
من ذاتك يا ابو الذات
الابيه
مثله ما انوجد
بالبصرة وحله
وربه بالشهد دافه وحلاه
شفته يضفر بشعره
وحله
غطى الساكين واجدامه
سوية
حب الحلو كلبي ورامه
وبفراكه انمسح عكلي ورامه
شفت الحلو يمشي ورى
امه
يريت امه تموت ويرد ليه
ما ظل كيف
ابد عندي ولا كم
وليش الوكت بس انتم
ولاكم
اعيار ابد ما
ينفع ولا كوم
من اشوفك يضطرب ميزاني
واديا
عليمن تبعد من احبابك
ولك دن
والك بالحب اقر كلبي
والك دان
عليّ غـــارت خيــوله ولكدن
مثل الريح لو
هبت قـــوية
شنهو الاغضبك يسمر واثارك
واظنك ما تنسى ابد حكك
وثارك
جنت احسبك خوي ليّ واثاريك
عدو امبين ما ترحم
أبد بيه
بحبك صرت ما أقرأ وما
أكتب
وديوان الك كلبي
ومكتب
غصباً عليّ أتعب
ومكتوب
حبــك بالسما مو
بالوطـية
طعنت الحزن بالحربة
ولا مات
وعليّ النـاس هم عتبـت
ولامت
صرت ما اجذب ولا أرخي
ولا مت
نحيل الجسم ملقى اعْلى الوطية
نحوي الزين هل يـــرفع وينصب
وحسافه يخدع بشخصي
وينصب
شرك ما ينصب لغيري وينصب
الي الشرك كل
صبح ومسية
وحك انجيل النبي عيسى
وموسى
الدهر بي جرب سجاجينه
وموسه
أنا الحازب منج يدنيا
ومو ساه
سهيت وقفلت البيبان
بيه
وحك من جفه بالقبطي
وكزها
كلبي عاف هالدنيا
وكزها
كالوا هالورد زاهي وأكو أزهى
من ملكى الحلو من يجبل
عليه
وصلت للمتن مو وشله
وشلتك
وانا الربيتك على
ايدي وشلتك
تاليها اتريد
تكتلني وشلتك
حسافه الطيب
خلف ردية
وحك من حبك الي الليل
باكه
صرت ما احلن بعد فركاك
باكه
أرســــل عـــليّ
الـــوكـــت بكه
كبر الفـــيل
ســــواني ضــحية
الوكت صخم بالفحم ويهه وخفّت
ولا ترهب مرض روحي
وخافت
ثكـلت بالترف
روحي وخفت
مثل الــريش كـــل
ســــاعة بنويه
ورودي من العطش ذبلن
وايبسن والون
وبعدك ما يفيد البجي
والنوح والون
شفت من دهري جثير اشكال
والوان
مثــل حزنــك ابــد مــا
مــر عليــه
وحك نوح النبي
وابراهيم والياس
من دنياي اخذني
القهر والياس
صرت ما اميز بعد بين
اللا واليس
بسبب دنياي
هجمت عليه
وحك من وحد الاسلام
واللف
ما يفيدك بعد
بهتان
واللف
انت تشرب علب بغداد واللف
رفيج اوياي حــد المنيـــه
عنده ما بقت همه وغيره
تمنيت النذل بيدي
واغيره
روحي اكرهت شخصه وغيره
لان الغير هم يشبه خويه
وعدني الحلو بالمره وما مر
وخادم لاصيرن له ومامور
ابد ما اتحرك انا بحبك
وما مور
ابقى لك وفي ما دام
النفس بيه
يا ليت الوكت ما قصر
يليته
ويلي حبه من
كلبي يليته
الجان مو صالح يليته
طول العمر بعد ما
ايعود اليه
اشمحلى عينه ورمشه
واريد امشي ورى امشاه
بتليفوني لدكن له
وارمشه
حبيبي الولف غالي عليه
صرت ما اكدر اخوشك ولا
اخوط
واحلف بالقلم ما ارسم
ولا اخط
ابرة ما بقت
عندي ولا خيط
اخيط الثوب بسنوني واديه
اظن لاحمى لاحتها ولا
اصفار
وحمر دوم ما لبست ولا
اصفر
لا تسعه بعد تنفعني
ولا اصفار
تنفعني شوفتك من تجبل
عليه
انخطف لوني من يمين
الزين لاحت
وانحت كلبي حت الورك لو حت
اشكد رسم قلمي للولف لوحات
وولفي رسم لي الغبرا الردية
خسرت يــد اعداكم
وتبت
وصرتوا الي امغسل وتابوت
كلها تركت المنكر وتابت
وان ولا اتوب منكم حد
المنيه
حنطه ما ازرع بعد ارضي
ولا جت
وروحي من
الالم ذابت ولا جت
يريت ادوم عشرتكم
ولا جت
الفركـــــه بعــــد ذيج الخــــوية
بيده هالطحن
كلبي وذراه
بقنابل قصف جسمي وذره
وشرّح كل وصل جسمي
وذره
بالملح واتراب
الوطيه
اريد اكطع نهر حبه وبيره
مسكر ما شرب ابداً
وبيره
حرف العين باسمه وبيه
راء
وباء وياء بالوسطة سوية
حتى النار ما سلمت
واكلها
وشخصي عاف هالدنيا واكلها
وكتي ما يقبل بنصها
وكلها
يموت من الفرح من يوصل
اليه
وحك من نطقه لعيسى
وحكاه
صارت بالجلد عاهه وحكه
وزنجر جلد كلبي
وحكه
الوكت بكاغد جام حد
المنيه
من اعصاره غابت اتلاعه وتله
اريد اجذب والف كلبي واتله
احلف ايمين والله
وبالله وتالله
ما اوفك خل شما يصير
ايصير بيه
تناظر وي الفرح حزني وحجه
واوجب عليطول العمر
عمره وحجه
يتكلب علي يريد زله وحجه
جبان الوكت سيطر عليه
يالوجك زلال الماي والجام
حبك ما يفيده ربط والجام
صرت اكره قليل الزاد
والجم
لان حبك سوى مرض بيه
حبيبي الروح بفراكه
مردها
ونفس الزين للطيبه مردها
مره تدهي روحي ومره
ادهى
من الجمر فوك الوطيه
اريد اكطع وصل
حبه ودربه
ومن عندي جيش لاصنع له
وادربه
زحزح علي الوكت دولابه ودربه
عذاب الدين والدنيا سويه
ما لك يا حبيب الروح
منكر
وما اظن حجينا اوياك منكر
ما تألم كلبي
للذباح منكر
تألم من هواك
العمل بيه
